"Бавария" ярим ҳимоячиси Жоау Палинья Португалия терма жамоасининг навбатдаги ўйинини ўтказиб юбориши мумкин.
29 ёшли футболчи чоршанба кунги машғулотларда жисмоний муаммолар туфайли қатнашмади, деб хабар беради A Bola.
Айни дамда ярим ҳимоячининг аҳволи Португалия терма жамоаси шифокорлари томонидан кўриб чиқилмоқда.
Мюнхен гранди вакилининг Польша терма жамоаси билан бўлажак Миллатлар лигаси ўйинида иштирок этиши сўроқ остида турибди.
Португалиянинг Польша билан учрашуви 15-ноябрь, жума куни бўлиб ўтади. Орадан 3 кун ўтиб португаллар Хорватияга қарши меҳмонда майдонга тушади.
