Сўнгги кунларда миш-мишлар Серхио Рамосни «Реал»га қайтиши билан боғлади. Гап шундаки, мадридликлар мудофаа чизиғида жиддий кадрлар муаммосини бошдан кечирмоқда. Бироқ, Мадрид клуби Рамоснинг хизматларидан бош тортгани ҳақида маълумотлар пайдо бўлди.
«Transfer News Live» Испаниянинг «Sport» нашрига таяниб хабар беришича, 38 ёшли Рамос янги клубга ўтишга яқин. Гап «Реал» ҳақида эмас, балки Бразилиянинг «Коринтианс» клуби ҳақида кетмоқда. Серхио айни пайтда ушбу клуб билан илғор музокаралар олиб бормоқда.
Эслатиб ўтамиз, Серхио Рамос «Севилья» билан шартнома муддати тугагач, ёз ойидан бери клуб рўйхатидан ўтмаган.
