Мадриднинг “Реал” клуби мураббийлар штаби аъзоларидан бирининг ишидан норози. Бу ҳақда Athletic нашри хабар бермоқда. Манбанинг хабар беришича, жароҳат олган футболчилар кўплиги сабабли клубда хавотир кучаймоқда.
Жамоа ичидагилар жисмоний тайёргарлик бўйича мураббий Антонио Пинтуснинг ишидан норози эканликларини билдиришмоқда. “Реал” мутахассиснинг ўйинга тайёрлаш усулларини эскирган деб ҳисоблайди.
Мадридликлар сафида 9 нафар футболчи жароҳати сабаб майдонга туша олмайди. “Реал” Испания Ла Лигаси турнир жадвалида пешқадам “Барселона”дан 6 очко ортда қолиб, иккинчи ўринда бормоқда.
