Осиё Чемпионлар лигаси 1/8 финал жавоб учрашувлари доирасидаги “Бунёдкор” – “Бурирам Юнайтед” учрашуви олдидан 20 май, душанба куни расмий тадбирлар бўлиб ўтади.
Соат 11:00да “Бунёдкор” стадионининг матбуот анжуманлари залида “Бурирам Юнайтед” бош мураббийи Скотт Купер ва жамоа етакчиларидан бири журналистлар саволларига жавоб қайтаради.
Ўйинолди матбуот анжуманиниг иккинчи қисми соат 11:30да бошланади ва унда “Бунёдкор” устози Миржалол Қосимов ва футболчилардан бири журналистлар билан мулоқотга киришади.
18:00да “Бунёдкор” стадионида “қалдирғочлар” ўзларининг ўйин олдидан расмий машғулотларини бошлашади. Роппа-роса бир соат ўтиб, “Бурирам Юнайтед” футболчилари яшил майдонда шуғулланишади. Ҳар иккала машғулотнинг дастлабки 15 дақиқаси ОАВ вакиллари учун очиқ бўлади.
ОАВда фаолият юритувчи журналистларни юқоридаги тадбирларга таклиф этамиз.
“Бунёдкор” матбуот хизмати
