Миланнинг “Интер” клуби ярим ҳимоячиси Хоқон Чалханўғли Туркиянинг Уэлсга қарши ўйинининг иккинчи бўлимида майдонга қайта олмади.
30 ёшли футболчи жамоани сардорлик боғичи билан майдонга олиб чиққанди, бироқ танаффусда у учун ўйин тугайди - Винченцо Монтелла ярим ҳимоячини Исмоил Юксек билан алмаштирди.
Италия ОАВнинг хабар беришича, Чалҳанўғли мушакларида ноқулайлик ҳис қилган, шу сабабли ўзини алмаштиришни сўрашга мажбур бўлган.
Гап жароҳатнинг қайталаниши ҳақида кетаётган бўлса керак: худди шундай жароҳат туфайли футболчи ўтган ой охирида “Интер”нинг учта ўйинини ўтказиб юборганди.
