Италия терма жамоасидаги жаҳон чемпиони Марко Матерацци Франция терма жамоасининг собиқ ярим ҳимоячиси Зинедин Зидан билан ярашишга тайёрлигини маълум қилди.
ЖЧ-2006 финалида Италия терма жамоаси французларни пенальтилар сериясида (1:1, 5:3) мағлуб этганди. 110-дақиқадан бошлаб Франция озчиликда ўйнади, Зидан Матераццининг кўкрагига бош билан зарба бергани учун тўғридан-тўғри қизил карточка олди; ҳимоячи ҳужумдан олдин Зиданнинг синглиси ҳақида номақбул фикрлар билдирганини бир неча бор тан олганди.
"Ўша кундан бери Зинедин Зидан билан гаплашмадим. Биз бу воқеадан олдин ҳам, кейин ҳам гаплашмадик. Ўртамизда ҳеч қандай муносабат йўқ. У футбол афсонаси ва мен уни кетма-кет учта Чемпионлар лигасини ютган футболчи ва мураббий сифатида жуда ҳурмат қиламан.
Мен бошқа кечирим сўрашни кутмайман, лекин шунча йиллардан кейин у билан гаплашишни истардим. Менда бу борада ҳеч қандай муаммо бўлмайди" - деди Матерацци Lucky Block билан суҳбатда.
