"Челси"нинг машҳур собиқ ҳимоячиси Жон Терри ўйин услуби ўзига ўхшаш футболчининг номини айтди.
Ҳозирда "кўклар" академиясида ишлаётган 43 ёшли инглиз Альфи Гилкристни ажратиб кўрсатди. 20 ёшли марказий ҳимоячи жорий мавсумни "Шеффилд Юнайтед"да ижара асосида ўтказмоқда.
"Гилкрист мен уни кўрган дастлабки машғулотлардан бошлаб менга ўзимни эслатди. Умид қиламанки, у "Челси"га қайтиб, жамоамиз таркибига кира олади. Альфи ва унинг бутун оиласи "Челси"ни қўллаб-қувватлайди," - дея Террининг сўзларини келтирмоқда журналист Киран Хиль.
Альфи Гилкрист Лондон грандининг асосий жамоаси сафида 17 та ўйин ўтказиб, битта гол урган. Жорий мавсумда футболчи "Шеффилд"нинг Чемпионшип доирасидаги 15 та учрашувида иштирок этди.
