Али Даи ўз вақтида терма жамоа сафида 100 та гол урган биринчи футболчига айланганди. Умуман олганда, Даи Эрон терма жамоаси либосида 108 марта гол урган. 2021 йилнинг кузида эронлик форвардни Криштиану Роналду ортда қолдирди. Ҳозирда португалиялик ўз терма жамоаси сафида 135 та голга эга. Даи бу борада изоҳ берди.

"Рекорд ўрнатиш - футболнинг бир қисмидир. Роналдудек футболчи буни уддалаганидан хурсандман. У ажойиб ва меҳнатсевар ўйинчи ва у буни бутун фаолияти давомида исботлаб келмоқда. Роналду - ёш футболчилар учун ибратли намуна. У ҳамма нарса мумкинлигини кўрсатади," - деди Даи ФИФАга берган интервюсида.