"Интер Майами"ни тарк этган мураббий Херардо Мартино МЛСда Лионель Месси билан ишлаш тажрибасини муваффақиятли деб ҳисоблайди.
Аргентиналик мутахассиснинг аввалроқ "Барселона" (2013-2014) ва Аргентина терма жамоасида (2014-2016) юлдуз форвард билан йўллари кесишган.
Иккаласи ҳам 2023 йилнинг ёзида “Интер Майами”га келишган.
"Менимча, бу менинг Месси билан энг яхши ҳамкорлигим бўлди – “Барселона” ва Аргентина терма жамоасидан ҳам яхшироқ.
Ҳозир Лео ўз фаолиятининг шиддатли босқичида эмас, аммо бу бир ярим йил жуда кўп воқеаларга бой бўлди. Ажойиб тажриба олинди", деди Мартино матбуот анжуманида.
