ЦСКА клуби ўз мухлисларини яна бир бор ҳайратда қолдирди: "Ростов"га ўз майдонида мағлуб бўлди.

Ҳарбийлар ўйиннинг бошида биринчи голни урган бўлса-да, ўтказиб юборилган голдан сўнг "Ростов" тезда ўзини ўнглаб, ўйинни назоратга олди. Иккинчи бўлимда эса мезбонлар меҳмонларнинг дарвозасига ҳужумлар яратишни бутунлай тўхтатиб, ҳатто бир марта ҳам дарвозага зарба бера олмади. Ҳимояда шунчаки "ўтириш" ҳам иш бермади – "Ростов" ҳужумчиси Егор Голенков ЦСКА ҳимоясини ёриб ўтиб, армиячиларни бу ўйинда очколардан маҳрум қилди.

Football24 нашри "Ростов"га қарши ўйинда ЦСКА таркибидаги ўз даражасидан паст ўйин намойиш этган футболчиларни санаб ўтди.

Данил Круговой

ЦСКА қанот ҳимоячиси Данил Круговой учун бу ўйин муваффақиятли кечмади. Деярли бутун ўйинни майдонда ўтказган Данил жамоа ўйинини ҳужумда кучайтиришга ҳеч қандай ҳисса қўшмади ва рақиб дарвозасига бир марта ҳам зарба бермади. Бироқ, у майдоннинг марказида қоидаларни бузгани учун кераксиз сариқ карточка олишга улгурди.

Аббосбек Файзуллаев

ЦСКАнинг ўзбек вингери бугунги кунда жамоа ўйинининг асосий фигураларидан бири бўлиб, мухлислар ҳар бир ўйинда ярим ҳимоячидан фаол ҳаракатларни кутадилар. Аммо "Ростов"га қарши ўйинда Аббос мухлисларнинг умидларини оқлай олмади. У бугун рақиб дарвозасига фақат бир марта зарба берди. У ҳеч қандай муваффақиятли дриблингни амалга ошира олмади.  Аббос рақиб футболчилари билан 6 марта тўп учун курашга киришиб, уларнинг бештасида имконияти бой берди.

Кристиан Бистрович

"Ростов"га қарши ўйинда ўзини кўрсата олмаган яна бир ЦСКА ўйинчиси – Кристиан Бистрович. Парадокс шундаки, ярим ҳимоячи ўйин давомида алмаштирилмади ва бутун ўйинни майдонда ўтказди. У деярли дриблингга уриниш қилмади, фақат бир марта дарвозага зарба берди ва қатнашган саккизта курашнинг ярминигина ютди.