"Манчестер Сити" бош мураббийи Пеп Гвардиола жамоанинг кетма-кет бешинчи мағлубиятидан сўнг ўз фикрларини билдириб ўтди.

23 ноябрь куни “шаҳарликлар” ўз майдонида “Тоттенхэм”га 0:4 ҳисобида имкониятни бой беришди.

"Саккиз йил давомида биз ҳеч қачон бундай вазиятларга дуч келмаганмиз, аммо энди биз буни енгишимиз керак. Кейинги ўйинда албатта ғалаба қозонишимиз шарт", - дея Гвардиола сўзларини келтирмоқда BBC.

12-турдаги мағлубиятдан кейин "Манчестер Сити" 23 очко билан Англия чемпионати турнир жадвалида иккинчи ўринда қолди. "Ливерпуль" билан орадаги фарқ 6 очкони ташкил этади, аммо мерсисайдликларнинг захирда ўйини бор.