"Атлетико Мадрид" бош мураббийи Диего Симеоне Чемпионлар лигаси доирасидаги "Спарта Прага"га қарши муҳим ўйин олдидан матбуот анжуманида фикр билдирди.
"Улар Чемпионлар лигасида ўйнайдиган кучли жамоа. Ўйинни биз уларга зарар етказа оладиган ва шиддатини чеклаб қўядиган жойга йўналтиришимиздан бошқа қандай бўлиши мумкинлигини тасаввур қила олмайман", - деди мутахассис.
Чемпионлар лигасининг янги формати ҳақида гапирар экан, аргентиналик қуйидагиларни қайд этди:
"Бу формат жамоаларни ўйиннинг биринчи дақиқасиданоқ бор кучини беришга мажбур қилади. Демак, биз ҳаммамиз оёққа туришимиз керак ва бу сизни майдонга чиқиб, ғалаба қозонишга ҳаракат қилишга ундайди. Ҳеч кимга осон бўлмаяпти", дея қўшимча қилди Симеоне.
Эслатиб ўтамиз, Чемпионлар лигасининг 5-туридан ўрин олган “Спарта” – “Атлетико” учрашуви 26 ноябрь куни бўлиб ўтади.
