«Байер» ҳужумчиси Андреа Шюррле Германия чемпионати охирги туридан ўрин олган «Гамбург»га қарши бўлиб ўтган ўйиндан кейин ўзининг келажаги ҳақида фикр билдирди.
«Кўрамиз нима бўларкин. Менга нималарнидир ваъда қилишди. Қаергадир ўтишим «Байер»га ҳам боғлиқ.
Лекин бу «Байер»даги охирги ўйиним деб ўйлайман»,- дейди ҳужумчи.
Эслатиб ўтамиз, футболчини Лондоннинг «Челси» жамоаси 20 миллион фунт эвазига сотиб олишга тайёр ва улар бу трансферга жиддий киришишган.
Жорий мавсумда Шюррле Германия бундеслигасида 34 учрашувда майдонга тушган ва 11 марта рақиблар дарвозасини аниқ нишонга олган.













