"Рома"нинг йиллик зарари 81,4 миллион еврони ташкил қилган.

ANSA маълумотларига кўра, клуб 2023/24 йилги мавсум якунида йўқотишлар камайишини қайд этган. Клубнинг молиявий йил ҳисоботи 30 ноябрь куни тақдим этилади.

Маълум қилинишича, америкалик хўжайинлар 2023/24 йилги мавсумнинг дастлабки ойларини ҳисобга олган ҳолда клубга жами 621,7 миллион евро сармоя киритган, бундан ташқари клубни сотиб олиш учун 199 миллион евро ва ҳуқуқий муаммоларни ҳал қилиш учун 25,9 миллион евро ажратилган.

Бундан ташқари, уй учрашувлари учун чипталар сотуви орган, ўртача 63 минг мухлис ташриф буюрди. Шунингдек, 131 минг дона футболка сотилди, бу Рим клуби учун мутлақ рекордга айланди.

Клубнинг операцион харажатлари тахминан 15 миллион еврога қисқарди.

Бироқ, 2020-йил август ойида миллиардер Ден Фридкин клубни сотиб олганидан бери “Рома”нинг умумий йўқотишлари 588,1 миллион еврони ташкил этади, бу қуйидагича тақсимланади:

2020/21-мавсум: 185,3 миллион евро.

2021/22-мавсум: 219,1 миллион евро.

2022/23-мавсум: 102,7 миллион евро.

2023/24-мавсум: 81,4 миллион евро.