"Реал"нинг яна уч нафар футболчиси "Ливерпул"га қарши ўйиндан сўнг сафдан чиқиши мумкин.

Журналист Аранчи Родригеснинг хабар беришича, кечаги Чемпионлар лигасининг 5-тур учрашувидан (0:2) сўнг, Жуд Беллингем, Килиан Мбаппе ва Браим Диасда ноқулайлик пайдо бўлган. "Реал Мадрид" футболчилари эртага тиббий кўрикдан ўтадилар.

Кечаги ўйинда ҳам Эдуардо Камавинга сон қисмидан жароҳат олди - "Реал Мадрид" ярим ҳимоячиси бугун жароҳатнинг оғирлигини баҳолаш учун кўрикдан ўтади. Франциялик футболчи тахминан 2-3 ҳафтани ўтказиб юбориши хабар қилинганди.

Айни дамда "Реал Мадрид"нинг асосий таркибида 7 нафар футболчи жароҳат олган: Эдуардо Камавинга, Дан Карвахаль, Эдер Милитао, Аурелиен Тчуамени, Давид Алаба, Винисиус Жуниор ва Родриго.

Навбатдаги учрашувда “Реал” Ла Лиганинг 15-тури доирасида “Хетафе”ни қабул қилади. Ўйин 1 декабрь, якшанба куни бўлиб ўтади.