“Лион” ҳужумчиси Жорж Микаутадзе қуролли талончиликка учради.
Хабарига кўра, воқеа якшанба куни Микаутадзенинг уйи яқинида, футболчи Лига 1 доирасидаги "Ницца"га (4:1) қарши ўйиндан қайтаётганда содир бўлган. Икки жиноятчи "Лион" ҳужумчисига яқинлашиб, унга таҳдид қила бошлаган.
Қайд этилишича, ўғрилар Микаутадзенинг соати ва бошқа қимматбаҳо буюмларини олиб кетишган, шундан сўнг улар жиноят жойидан қочиб кетишган, воқеа натижасида футболчининг ўзи жабрланмаган.
Зарарнинг умумий миқдори 150 дан 200 минг еврогача бўлган. Ҳозирда полиция жиноятчиларни қидирмоқда.
