"Айнтрахт" ярим ҳимоячисига "Реал" ва "Манчестер Юнайтед" клублари қизиқиш билдирмоқда.
Клублар Уго Ларссонга қизиқиш билдирмоқда, дея хабар беради Sky Sport журналисти Патрик Бергер. Мадридликлар уни "Малмьо"даги давридан бери кузатиб келишади.
Қайд этилишича, 2023 йилда шведни қўлга киритиш имконияти Дортмунднинг "Боруссия"си ва "РБ Лейпциг"да ҳам муҳокама қилинган.
Ларссонга ҳозирги жамоаси ёқади, "Айнтрахт" футболчидан мамнун. 20 ёшли футболчининг трансфери учун Франкфурт клуби камида 50 миллион евро талаб қилади.
Бундеслиганинг жорий мавсумида Уго 12 та ўйин ўтказиб, 2 та гол урди.
