“Наполи” ярим ҳимоячиси Хвича Кварацхелия фаолиятини Испания чемпионатида давом эттириши мумкин.
Бу ҳақда Diario Sport журналистлари хабар бермоқда. Манбанинг хабарига кўра, "Барселона" ҳамон футболчини ўз сафига қўшиб олишга қизиқиш билдирмоқда. "Барселона" учун муқобил вариант - "Милан" вингери Рафаэль Леау.
Кварацхелиянинг неаполликлар билан 2027-йилнинг июнь ойи охиригача шартнома мажбуриятлари мавжуд.
Жорий мавсумда грузиялик футболчи 16 та ўйинда майдонга тушиб, 5 та гол ва 3 та голли узатмага муаллифлик қилган. Унинг бозор қиймати 80 миллион еврони ташкил қилади.
