«Реал»нинг 39 ёшли хорватиялик ярим ҳимоячиси Лука Модрич мавсум якунида жамоани тарк этмоқчи. Бу ҳақда испаниялик журналист ва инсайдер Хосе Феликс Диас ижтимоий тармоқларда хабар берди.
Манбага кўра, Модрич Мадрид клубини тарк этганидан кейин фаолиятини якунлашни режалаштирмаяпти.
Модрич «Лос-Бланкос»да 2012 йилдан бери ўйнаб келмоқда. Жорий мавсумда хорватиялик ярим ҳимоячи барча турнирларда 20 та ўйин ўтказиб, 3 та голли узатмани амалга оширди.













