Лондоннинг «Челси» клуби АПЛ доирасидаги баҳсда «Саутгемптон»га ҳеч қандай имконият қолдирмади (5:1).

«Кўклар» 34-дақиқагача «авлиёлар» дарвозасига уч марта тўп киритишди, орадан кўп ўтмай майдон эгалари озчиликда қолишди. Энцо Мареска шогирдлари вазиятдан унумли фойдаланиб, иккинчи бўлимда яна икки бор рақиблар дарвозасини ишғол қилишди.

Бироқ, бундан ҳам кўпроқ гол бўлиши мумкин эди: «Opta» маълумотларига кўра, «Челси» меҳмон жамоалар учун Премьер-лига ўйинида xG (кутилаётган голлар) бўйича рекорд ўрнатди - 5,29. Маълумотлар йиғиш 2008/09 йилги мавсумдан бошлаб амалга оширилмоқда.

«Челси» жорий Англия чемпионатида 14 турдан кейин 31 та гол урди - бу лигадаги барча жамоалар орасида энг яхши кўрсаткич.