Матбуот анжуманининг иккинчи қисмида «Бунёдкор» жамоаси устози Миржалол Қосимов қатнашди.

—  Олдимизга қўйилган мақсадга эриша олмаслик алам қилади. Рақиб яхши ҳимояланди. Мухлислар жуда яхши қўллаб қувватлашди, лекин улардан узр сўрайман. Бугун баъзи футболчилар ўз даражаларидан ёмон ҳаракат қилишди.

 — «Бунёдкор»нинг чемпионлар лигасидаги муваффақиятсизлигини кўпчилик терма жамоанинг икки муҳим ўйини сабаб деб билишмоқда...
— Йўқ. Бу икки жамоанинг боғлиқлиги йўқ. Бугун мағлуб бўлган бўлишимга қарамай, ҳаёт давом этади. Футболда гол урсанг ғалаба қозонасан.

— Бугун дарвоза томон жуда кам аниқ зарбалар берилди. Фақат ноаниқ тўп узатишларни кўрдик. Рақиб бизнинг бу ўйинимизни биларди, нима учун биз иккинчи Б пландан фойдаланмадик.
— Биз ҳам ғалаба қозонишни хоҳладик. Лекин барчаси Яратгандан. Ўзингиз кўрдингиз йигитлар нимагадир ўзларининг ўйинларини кўрсата олишмади. Ўша сиз айтган рақиб биладиган ўйин ҳам ўхшамади.

— Камолиддин Мурзоевга икки йилда буён имкониятларни бой бераётган бўлса ҳам имконият беряпмиз. Нима учун?
— Ўзбекистонда ўзи кўп гол ура оладиган футболчининг ўзи кўринмаяпти. Шунинг учун Камолни ҳам ҳайдаб юборайми дейман (кулади). Лекин ҳаммасини бир кишига юклаб қўйиш ҳам ярамайди. Бугун Пишурнинг ҳам ўйини ўхшамади.

— Стадиондан чиқа туриб, мухлислар мураббийнин айбламади ва Миржалол Қосимовга ишонч билдиришди. Мухлислар ҳамон сиз билан...
— Албатта, биз ҳам мухлислар учун ўйнаймиз. Уларга алоҳида миннатдорчилик билдирмоқчиман. Лекин улар орасида сохталари ҳам бор экан. Бу кўриниб турди. Кимнингдир кўнглига теккан бўлса узр сўрайман. Мухлисларнинг сохта эканига бир воқеа: Мен футболчи бўлган вақтимда бир гуруҳ мухлислар стадионга тушишган. Улар орасида шунчаки хурсандчиликка келгани ҳам бўлган. Ўйин кетаётган вақтда мухлилар «вне игре» (ўйиндан ташқари ҳолат)деса, бояги мухлис «Негр қани?» деган экан...