Англиянинг «Манчестер Сити» клуби чап қанот ҳимоячиси Гаэль Клиши жамоа собиқ бош мураббийи Роберто Манчинини муваффақиятсиз мавсумда хатоларни ўз бўйнига олиши лозимлигини таъкидлаб ўтди.
«Биз бу мавсум учун жавобгарликни ўз бўйнимизга олишимиз керак бўлади. Ҳеч нарса юта олмаган мавсум учун мураббий ҳам жавобгар бўлади, албатта. У натижа учун худди ўйинчилар каби жавобгар».
«Албатта, сиз ғалаба қозона бошласангиз, бунда мураббий ҳам мақтала бошланади. Натижа яхши бўлмаса ҳам барча саволлар унинг манзили томон бўлади. Шуни ҳам айтиб ўтиш керакки, биз Манчини қўл остида 100 фоиз ўзимизни кўрсата олмадик», дея Клишининг сўзларидан иқтибос келтирмоқда «Daily Mail» нашри.













