"Барселона" Ханси Фликнинг "Бетис"га қарши ўйинда четлатилишини адолатсизлик деб ҳисоблайди.
Каталония жамоаси бош мураббийи Ла Лига ўйинининг 66-дақиқасида (2:2) каталонияликлар дарвозасига белгиланган пенальти борасида ҳакам билан баҳслашгани учун қизил карточка олди.
Ўйин ҳисоботида қайд этилишича, четлатилишга Фликнинг қичқириқлари, имо-ишоралари ва ҳакам Алехандро Муньис қарорига норозилик билдиргани сабаб бўлган - бу эпизод камида иккита ўйин дисквалификациясини талаб қилади. «Барселона» мураббийнинг қизил карточкасига қарши чиқиш ниятида экани хабар қилинганди.
Mundo Deportivo хабарига кўра, "Барселона" Фликнинг четлатилишини адолатсизлик деб ҳисоблайди, чунки у Муньис билан бевосита алоқага чиқмаган.
Немис мураббийи ҳакамни ҳақорат қилмаганини тасдиқлади ва фақат унинг қарорига рози эмаслигини билдирди.
Қайд этилишича, клуб Флик дисквалификация туфайли ўтказиб юбориши мумкин бўлган “Леганес” ва “Атлетико”га қарши ўйинларни муҳим деб ҳисобламоқда.
"Барселона" бош мураббий ушбу учрашувларда жамоани бошқара олишига умид қилмоқда.
