"Бавария" Альфонсо Дэвис шартномасини тезроқ узайтиришини истамоқда.
24 ёшли футболчининг мюнхенликлар клуби билан амалдаги шартномаси жорий мавсум охиригача амал қилади.
Bild журналисти Кристиан Фалькнинг ёзишича, "Бавария" Дэвисга Рождество олдидан янги шартнома имзолаш учун босим ўтказмоқда, яъни 25 декабрь.
Трансфер қоидаларига кўра, канадалик январь ойидан бошлаб бошқа клублар билан музокара олиб бориши мумкин - унга "Реал" ва "Манчестер Юнайтед" қизиқиш билдирмоқда. "Бавария" бу масалани ўша вақтгача ёпмоқчи.
Футболчи томони ҳамон иккиланиб турибди ва янги йилда музокараларни давом эттириш ҳақида ўйламоқда.
