"Барселона" бош мураббийи Ханс-Дитер Флик нидерландиялик ярим ҳимоячи Френки де Йонгни жамоада сақлаб қолиш учун ҳамма нарсани қилишга ҳаракат қилмоқда.

Бу ҳақда Sport.es хабар бермоқда. Манбага кўра, Фликнинг мақсади нидерландиялик футболчининг юқори даражадаги ўйинини қайтаришдан иборат.

Бундан ташқари, "Барселона" устози ярим ҳимоячини ўзининг ўйин тизими учун идеал вариант сифатида билади ва жамоанинг энг яхши футболчиси деб ҳисоблайди.

Олдинроқ де Йонг "кўк-анорранглилар"ни тарк этмоқчилиги ҳақида хабар берилганди.