17 ёшли Эстевао Виллиан "Челси"да қайси рақамда ўйнашни режалаштираётганини айтди, шунингдек, ёш иқтидор эгаси қайси позицияда ўйнашни ёқтиришини ҳақида ҳам гапирди.
"Мен рақамларга алоҳида устунлик бермайман, лекин менга ҳозирда "Палмейрас"да киядиган 41-рақам жуда ёқади. Агар "Челси"да бу рақамни олишимга рухсат беришса, бу ажойиб бўларди", деди футболчи.
Эслатиб ўтамиз, 2025 йилнинг июл ойида Эстевао Виллиан "Челси"нинг тўлақонли футболчисига айланади. “Кўклар” раҳбарияти уни “Палмейрас”дан 34 миллион евро эвазига сотиб олиш учун барча керакли ҳужжатларни расмийлаштириб бўлди.
