Англиянинг "Ливерпуль" клуби ярим ҳимоячиси Алексис Макаллистер жамоанинг собиқ бош мураббийи Юрген Клопп ва ҳозирги Арне Слот ўртасидаги фарқни тушунтириб берди.
"Энг катта фарқ бу биз тўпга кўпроқ эгалик қиляпмиз. Бу ҳозиргача энг катта фарқ. Тўпга кўпроқ эгалик қилиш имконияти кўпроқ голли вазиятлар яратиш имконини беради. Жамоа ўзини жуда қулай ҳис қилмоқда ва жуда яхши ишлаяпти, буни сиз Чемпионлар лигасида "Реал"га ва Премьер-лигада "Манчестер Сити"га қарши кўрдингиз. Бу бизга кўпроқ ишонч бағишлайди ва ҳар қандай жамоа билан рақобатлаша олишимизни тушунишимизга ёрдам беради", - деди футболчи.
Жорий мавсумда Алексис Макаллистер клуб сафида барча мусобақаларда 21 та ўйин ўтказиб, иккита гол урди.
