Клублар ўртасидаги жаҳон чемпионати АҚШда кетма-кет икки марта ўтказилиши мумкин.

The Athletic нашрининг ёзишича, ФИФА 2029 йилда ҳам турнирни океанортида ўтказишни кўриб чиқмоқда.

Эслатиб ўтамиз, 2025 йилнинг ёзида АҚШ клублар ўртасидаги жаҳон чемпионатига мезбонлик қилади. Айни дамда кейинги мезбон ҳали аниқланмаган, бироқ ФИФА кенгаши АҚШ номзодини тасдиқлаши кутилмоқда.

Тахминларга кўра, 2029 йилги жаҳон чемпионатининг АҚШда ўтказилиши ФИФАга ҳомийларни бирлаштириш ва Канада ва Мексика билан бир қаторда штатларда ҳам ўтказиладиган 2026 йилги жаҳон чемпионати меросини мустаҳкамлаш имконини беради. Қўшимчасига, АҚШ кўплаб Европанинг энг яхши жамоалари учун устувор бозор бўлиб, уларнинг аксарияти мамлакатда мавсумолди гастролларини ўтказмоқда.