"Ал-Ҳилол"нинг бразилиялик вингери Неймар 2026 йилда бўлиб ўтадиган навбатдаги жаҳон чемпионатида иштирок этишни истаётганини тан олди.

"Ҳеч шубҳа йўқки, жаҳон чемпионати ҳар бир футболчининг мақсади. Мен турнирда уч марта иштирок этганман, лекин у ерда тўртинчи бор ўйнашни хоҳлайман", - деди Неймар RMC Sport билан суҳбатда.

Бразилиялик футболчи бор эътиборини ўз мақсадига қаратиши ва жаҳон чемпионатига яхши формада ёндашиши кераклигини таъкидлади. Эслатиб ўтамиз, навбатдаги жаҳон чемпионати бир вақтнинг ўзида учта давлатда – АҚШ, Канада ва Мексикада бўлиб ўтади.

32 ёшли Неймар Бразилия терма жамоаси сафида 128 та ўйин ўтказиб, 79 та гол урган ва 59 та голли узатмани амалга оширган.