Лондоннинг «Арсенал» клуби жорий Англия Премьер-лигасида бир йил аввалгидек барқарор эмас.
Шанба куни Микель Артета шогирдлари ўз майдонида «Эвертон»ни мағлуб эта олмади - 0:0. «Канонирлар» 16 турдан сўнг 30 очкога эга, бу ўтган мавсумдагидан олти очко кам. Ўшанда «Арсенал» иккинчи ўринда эди ва тўплар фарқи 33:15 бўлган, ҳозир эса жамоа учинчи ўринда, урилган ва ўтказиб юборилган голлар ўртасидаги фарқ эса 29:15.
«Канонирлар» кейинги турда меҳмонда «Кристал Пэлас»га қарши баҳс олиб боради. Учрашув 21 декабрь куни бўлиб ўтади.
