"Лацио" устози Марко Барони "Интер"дан учралган йирик ҳисобдаги мағлубиятга изоҳ берди.
“Очиғи, мен жамоа ва мухлислар учун хафаман. Бу мағлубият учун барча жавобгарликни ўз зиммамга оламан.
Биз 40 дақиқа яхши ўйнадик, аммо бу етарли эмас эди, жамоа ҳиссий даражада инқирозга юз тутди, биз ўз формамизни йўқотдик ва «Интер» каби кучли жамоага очиқ зоналар яратдик.
Шубҳасиз, мен жамоанинг ҳиссий даражаси билан шуғуллана олмадим ва бунинг учун тўлиқ жавобгарликни ўз зиммамга оламан.
Мен аллақачон жамоа билан гаплашдим, энди ишлашимиз ва тўғри йўлга қайтишимиз керак", – деди Барони.
