"Реал Мадрид" бош мураббийи Карло Анчелотти совринларни ютиш учун энг яхши жойда эканлигига ишонмоқда.

Чоршанба куни италиялик "Лос-Бланкос" билан Қитъалараро кубокда ғалаба қозонди. Финалда "Пачука"ни 3:0 ҳисобида мағлуб этди. Бу мутахассиснинг "Реал Мадрид" бошқарувидаги 15-кубоги бўлди.

“Мен ҳалол бўлишни хоҳлайман. "Реал Мадрид"да совринларни ютиш бошқа жойга қараганда осонроқ. Жамоамизда дунёнинг энг зўр футболчилари бор ва мухлислар бизни доим қўллаб-қувватлашади. Лекин совринларни қўлга киритиш ҳар қандай ҳолатда ҳам осон эмас", - деди 2024 йилда “Реал” билан бешта кубокни қўлга киритган Анчелотти.