Зарафшонликлар мавсумни муваффақиятли бошлашмади. Ҳозирда жамоага Рустам Забиров бошчилик қилмоқда. Таркибга яхши савияли ижрочиларни жалб қилишдаги муаммолар"Қизилқум"нинг натижаларига салбий таъсир кўрсатмасдан қолмади. Учрашувда дисквалификация туфайли майдонга туша олмайдиган футболчилар йўқ.

Олий лигада жамоалар 26 бор учрашишган. Уларнинг 21тасида "Пахтакор", "Қизилқум" эса бир бор ғалаба қозонган. Яна 4 баҳс дуранг билан якунланган. Рақиб дарвозасини "Пахтакор" 76 бор тўп киритган, зарафшонликлар эса 16 марта. Ўтган йилги ҳар икки беллашувда жамоамиз 4:0 ҳисобида зафар қучган. Меҳмонда ўтган учрашувларда "шерлар" 11 бор ғалаба қозониб, 2 марта дуранг ўйнаганлар. Зарафшонда кечган охирги 10 беллашувда "Пахтакор" кучлироқ эканлигини кўрсатган. Ўз майдонидаги 9 баҳсдан буён "Қизилқум" жамоамиз дарвозасига йўл топа олмаяпти.

Ёшлар таркиблари 26 май, якшанба куни соат 17:00да, асосий таркиблар эса 27 май, душанба куни соат 17:00да учрашувни бошлашади. Баҳсни Олим Толибжонов бошчилигидаги ҳакамлар гуруҳи бошқаради.

"ҚИЗИЛҚУМ" - "ПАХТАКОР"

Ҳакамлар: О.Толибжонов, О.Дачев, О.Абдувосилов, И.Худойдотов.

Назоратчи: Р.Мўминов.