"Манчестер Сити" бош мураббийи Пеп Гвардиола Эрлинг Холанд билан эски ғояларига қайтишни режалаштирмаяпти.
Илгари испаниялик мураббий марказий ҳужумчи позициясида тез-тез "ёлғон тўққизлик"ни ишлатарди. Норвегиялик футболчи клубга келгач, “шаҳарликлар” бош мураббийи ўз ёндашувини ўзгартиришга мажбур бўлди.
"Мен Эрлинг билан ўйнашни афзал кўраман. Ҳозирги шароитимизда Холандни ташлаб қўйиш керак деб ўйламагандим. Мутлақо йўқ. Йўқ, йўқ, мен бу ҳақда ўйламаганман. "Сохта тўққизлик"ни сифат учун ишлатганман, айниқса ўша пайтдаги ўйинчиларимни ҳисобга олган ҳолда.
Баъзи ҳолларда мен буни шахсан ўзини ҳимоя қилаётган рақибларга қарши туриш учун қилганман. Менга бундай жамоаларга қарши "сохта тўққизлик" билан ўйнаш ёқарди, аммо ҳозир менда Эрлинг бор ва мен мослашишим керак", деди Гвардиола матбуот анжуманида.
