Шанба оқшомида Испания чемпионатида катта ўйин бўлиб ўтди - "Барселона" - "Атлетико" ўртасидаги баҳс каталонияликларнинг мағлубияти билан тугади.
Ўйин учун бошланғич таркиб эълон қилинишидан бироз олдин ижтимоий тармоқларда турли постлар пайдо бўлди.
Унда "Барса" сардорлик боғичининг тасвири, тўртинчи рақам ва РА ҳарфлари кўрсатилганди. Кўринишидан, "Барса" ҳимоячи Рональд Араухога сардорлик боғичини асосий таркибда беришга шама қилган. Бироқ Рональд майдонга тушмади.
Уругвайлик ҳимоячи жорий мавсумда бирорта ҳам ўйинда майдонга тушмади. Араухо яқинда ёзда Америка кубогида олган оғир жароҳатидан фориғ бўлди.
