"Барселона" Бильбаонинг "Атлетик" клуби футболчиси Нико Уильямсни сотиб олишга яна уриниб кўради.

Каталония гранди ўтган ёзда испанияликни ўз сафига жалб қилиш уринишларида муваффақиятсизликка учради. Diario Sport хабарига кўра, "Барселона" жорий мавсум якунланганидан сўнг ўзининг қанот ҳужуми позициясини мустаҳкамламоқчи ва бу йўлда Уильямсни асосий мақсад сифатида кўрмоқда.

Қайд этилишича, 22 ёшли футболчи "Атлетик" билан шартномасини узайтирмаса, унинг товон пули аввалгидек (тахминан 60 миллион евро) қолади. "Кўк-анорранглилар" раҳбарияти келишувни амалга ошириш учун барча имкониятларни ишга солади.

Шунингдек, Нико Уильямсга "Реал", "ПСЖ" ва "Бавария" клублари ҳам қизиқиш билдирмоқда.