Ҳужумчи Неймарнинг отаси футболчининг "Сантос"дан "Барселона"га ўтганини эслади. Катта Неймарнинг фикрича, ўша пайтда "Реал Мадрид"нинг футболчига таклифи молиявий жиҳатдан анча фойдали бўлган.
"Барселона" билан шартнома имзолаш бутунлай Неймарнинг қарори эди. Менинг қўлимда "Барселона" ва "Реал"дан таклифлар бор эди. "Реал Мадрид"дан таклиф уч баробар кўп бўлган. Неймар эса бу йигитлар билан ўйнашни хоҳлагани учун йўқ деди. Унинг орзуси "Барселона"да ўйнаш эди", - деди Неймар да Силва Сантос.
Неймар 2013 йилдан 2017 йилгача "Барселона"да ўйнаган. Бразилиялик футболчи ҳозирда Саудия Арабистонининг "Ал-Ҳилол" жамоасида тўп тепмоқда.
