Мэйсон Маунт яна бир бор жароҳат туфайли анча муддатга сафдан чиқди.
"Манчестер Юнайтед" ярим ҳимоячиси айни дамда "Манчестер Сити"га қарши дербида (2:1) олган жароҳатидан фориғ бўлмоқда. Маунт 14-дақиқада майдондан захирага олинди.
"talkSPORT" хабарига кўра, клуб 25 ёшли футболчи бир неча ойни ўтказиб юбориши ва март ойигача майдонга қайтмаслигидан хавотирда. Бу Маунтнинг жорий мавсумдаги иккинчи жароҳати бўлиб, жароҳат туфайли август ва сентябрь ойларида "Юнайтед"нинг учта ўйинини ўтказиб юборганди.
Маунт ўтган мавсумда жароҳати туфайли "Манчестер Юнайтед"нинг 27 ўйинини ўтказиб юборди. Собиқ "Челси" аъзоси бу мавсумда атиги 12 ўйин ўтказди.
