Италия терма жамоасининг собиқ футболчиси Антонио Кассано "Аталанта" ярим ҳимоячиси Шарль де Кетеларенинг ўйинига юқори баҳо берди.
"Бугун у А Сериянинг энг кучли ўйинчиларидан бири ва дунёнинг энг кучли футболчиларидан биридир. Мен уни, унинг ажойиб мураббийини ва клубини табриклайман. Шу пайтгача фақат бир киши тўпни шундай бошқарганини кўрганман бу – Кака. Ўйлайманки, яқин йилларда у кучли клубга ўтиш ва "Олтин тўп" учун кураш олиб боради.
Бугунги кунда Де Кетеларе Европанинг энг яхши футболчиларидан бири ҳисобланади. Ундан фақат Салоҳ яхши, лекин у бошқа ёшда. Шунинг учун фақат Ямал Шарлдан олдинда", деди собиқ футболчи.
