"Барселона" марказий ҳимоячи Рональд Араухо билан шартномани узайтириш борасидаги режаларини ўзгартиришга қарор қилди. Бу ҳақда Испаниянинг Sport.es нашри хабар берди.
Манбага кўра, клуб "Байер" ҳимоячиси Жонатан Та билан шартнома имзолаш устида ишламоқда, бу эса Араухо борасидаги қарорга таъсир қилиши мумкин. "Барселона" раҳбарияти ҳам футболчининг тез-тез жароҳат олишидан норозилигини билдирмоқда, бу эса унинг 2025 йилнинг ёзида сотилиши эҳтимолини оширади.
Эслатиб ўтамиз, аввалроқ Араухо янги шартномага рози бўлмаса, трансфери мумкинлиги ҳақида хабар берилганди. Ҳимоячининг клуб билан амалдаги шартномаси 2026 йилнинг ёзига қадар мўлжалланган. Араухо бу мавсумда "Барселона"нинг бирорта ўйинида майдонга тушмади.
