"Ливерпуль" бош мураббийи Арне Слот жамоанинг АПЛ турнир жадвалидаги ўрни ҳақида ўз фикрларини билдириб ўтди.
Мерсисайдликлар "Лестер"ни мағлуб этишди (3:1) ва "Челси"дан очколари сонини 7 тага етказди. Пешқадамлик янада кучайиши мумкин - "қизиллар"нинг захирасида яна битта ўйин бор.
"Бу зерикарли жавоб, лекин мен мураббий сифатида буни ўйинма-ўйин қабул қиламан. Албатта, биз чемпионат жадвалига қараймиз, лекин Премьер-лигада қанчалик қийинлигини ҳам биламиз. Икки ой олдин биз "Манчестер Сити"дан бир очкога ортда қолаётгандик. Ҳар бир жамоада жароҳатлар ва дисквалификациялар туфайли қийинчиликлар бўлиши мумкин. Биз шундай ўйнашда давом этишимиз керак", - дейди Слот.
