"Манчестер Юнайтед"нинг собиқ ҳужумчиси, ҳозирда "Ан-Наср"да ўйнаётган Криштиану Роналду "Манчестер Сити"нинг ўйинидаги инқирози ҳақида ўз фикрлари билан ўртоқлашди.
"Футболда нима бўлишини ҳеч қачон билмайсан. "Сити" ҳозир қийин дамларни бошдан кечирмоқда, аммо улар қайтиб келишларига 100% аминман. Гвардиола жуда ақлли мураббий ва у муаммо нимада эканлигини тушунади. "Реал" билан ҳам худди шундай бўлди, аввалроқ ҳамма бу мавсум улар учун ёмон бошланганини айтишганди", - деди Роналду.
Англия чемпионатининг сўнгги тўққизта учрашувида "шаҳарликлар" икки бор дуранг ўйнаб, бир марта ғалаба қозонишган ва олти марта мағлубиятга учраган.
