“Ювентус” бош мураббий Тьяго Мотта қўл остида ҳамон А Серияда мағлуб бўлмаяпти.
Якшанба куни туринликлар жорий Италия чемпионатида 11-марта бу сафар “Фиорентина” билан дуранг ўйнашди (2:2).
"Бьянконерилар" 18та ўйиндан атиги 7тасида ғалаба қозонишди, лекин ҳеч қачон мағлуб бўлишмади.
Шу тариқа, Мотта 18-турдан кейин “Ювентус” билан А Серияда бирорта ҳам мағлубият аламини тотиб кўрмаган иккинчи мураббийга айланди.
Бу ишни биринчи бўлиб Антонио Конте амалга оширганди, ўшанда у жамоани чемпионлик унвонига олиб чиқди.
