“Yuventus” bosh murabbiy Tyago Motta qo‘l ostida hamon A Seriyada mag‘lub bo‘lmayapti.

Yakshanba kuni turinliklar joriy Italiya chempionatida 11-marta bu safar “Fiorentina” bilan durang o‘ynashdi (2:2).

"Byankonerilar" 18ta o‘yindan atigi 7tasida g‘alaba qozonishdi, lekin hech qachon mag‘lub bo‘lishmadi.

Shu tariqa, Motta 18-turdan keyin “Yuventus” bilan A Seriyada birorta ham mag‘lubiyat alamini totib ko‘rmagan ikkinchi murabbiyga aylandi.

Bu ishni birinchi bo‘lib Antonio Konte amalga oshirgandi, o‘shanda u jamoani chempionlik unvoniga olib chiqdi.