29 декабрь куни "Ноттингем Форест" Англия Премьер-лигасининг 19-турида сафарда "Эвертон"ни мағлуб этди. Учрашув 2:0 ҳисобида якунланди.

Ушбу ғалаба "ўрмончилар" учун Англия чемпионатининг жорий мавсумида кетма-кет бешинчи ғалаба бўлди. Клуб матбуот хизматининг хабар беришича, улар билан бундай ҳолат 1995 йилдан бери биринчи марта юз берган.

Ўтган беш турда "Ноттингем Форест" "Манчестер Юнайтед" (3:2), "Астон Вилла" (2:1), "Брентфорд" (2:0), "Тоттенхэм" (1:0) ва "Эвертон" (2:0) устидан ғалаба қозонди. Эслатиб ўтамиз, жамоа 3 та ўйинда ўз дарвозасидан тўп ўтказиб юбормади.

"Ноттингем Форест" - АПЛнинг жорий мавсумининг ҳақиқий кашфиёти. Айни пайтда Нуну Эшпириту Санту шогирдлари 37 очко билан турнир жадвалида иккинчи ўринни эгаллаб турибди.