Англия терма жамоаси янги бош мураббийи Томас Тухель ҳали ҳам қора танли ёрдамчиси борасида бир қарорга келмаган.

Октябрь ойида FA билан шартнома имзолаган Тухель дарҳол мураббийлар штабини қуришга киришди. Томас Энтони Бэррини ўзининг ўнг қўлига айлантирган, шунингдек, "Челси"дан дарвозабонлар мураббийи Энрике Хилариони ўзига жалб қилган.

Шу билан бирга, Ассоциация этник диверсификациянинг бир қисми сифатида Тухель ўз қароргоҳига BAME (Black, Asian and Minority Ethnic - қора танли, осиёлик ва озчилик этник халқ) вакилини киритишни талаб қилади.

Мисол учун, Гарет Саутгейт даврида бу ролни Пол Невин, Жимми Флойд Хассельбайнк ва Крис Пауэлл, вақтинчалик мураббий Ли Карсли билан эса Эшли Коул ишлаган.

Бироқ, The Telegraph Тухель ҳали қоратанли ёрдамчисини тайинланмагани ҳақида хабар берди. 51 ёшли германиялик мутахассиснинг мураббийлар штаби фақат тери рангига қараб ҳеч кимни ёллашга шошилмаяпти.