ОКМК футбол клуби ўз сафини юқори салоҳиятга эга бўлган иқтидорли ёш футболчилар билан мустаҳкамлашда давом этади. Ана шундай истиқболли трансферлардан бири сифатида жамоага 20 ёшли ҳужумкор ярим ҳимоячи Акбар Ўктамов қўшилди.

Акбар Ўктамов профессионал фаолияти давомида "Пахтакор" U-21 ҳамда Суперлиганинг "Олимпик" жамоаларида муваффақиятли иштирок этган. Бундан ташқари, у Ўзбекистон U-19 терма жамоаси аъзоси сифатида халқаро майдонларда мамлакатимиз шарафини муносиб тарзда ҳимоя қилган. Эндиликда, футболчи ва ОКМК футбол клуби ўртасида 3 йиллик ҳамкорлик шартномаси тузилди.

"ОКМК футбол клуби Акбар Ўктамовни ўз жамоасига қабул қилганидан мамнун бўлиб, унга янги босқичдаги фаолиятида улкан муваффақиятлар тилайди. Биз ишонамизки, Акбар ўзининг меҳнаткашлиги, маҳорати ва самарали голлари орқали жамоамизнинг ғалабаларига катта ҳисса қўшади. ОКМК ФК аҳил оиласига хуш келибсан, Акбар!" - дейилади олмалиқликларнинг баёнотида.