OKMK futbol klubi o‘z safini yuqori salohiyatga ega bo‘lgan iqtidorli yosh futbolchilar bilan mustahkamlashda davom etadi. Ana shunday istiqbolli transferlardan biri sifatida jamoaga 20 yoshli hujumkor yarim himoyachi Akbar O‘ktamov qo‘shildi.
Akbar O‘ktamov professional faoliyati davomida "Paxtakor" U-21 hamda Superliganing "Olimpik" jamoalarida muvaffaqiyatli ishtirok etgan. Bundan tashqari, u O‘zbekiston U-19 terma jamoasi a’zosi sifatida xalqaro maydonlarda mamlakatimiz sharafini munosib tarzda himoya qilgan. Endilikda, futbolchi va OKMK futbol klubi o‘rtasida 3 yillik hamkorlik shartnomasi tuzildi.
"OKMK futbol klubi Akbar O‘ktamovni o‘z jamoasiga qabul qilganidan mamnun bo‘lib, unga yangi bosqichdagi faoliyatida ulkan muvaffaqiyatlar tilaydi. Biz ishonamizki, Akbar o‘zining mehnatkashligi, mahorati va samarali gollari orqali jamoamizning g‘alabalariga katta hissa qo‘shadi. OKMK FK ahil oilasiga xush kelibsan, Akbar!" - deyiladi olmaliqliklarning bayonotida.
