"Интер" бош мураббийи Симоне Индзаги Италия Суперкубоги финалида "Милан"дан учралган мағлубият (2:3) ҳақида фикр билдирди.
"Биринчи навбатда, "Милан"ни табриклашимиз керак, чунки улар икки гол фарқи билан мағлуб бўлишларига қарамай таслим бўлишмади. Ҳисоб 2:1 бўлгач, тўпни осонлик билан йўқотдик, гарчи вазиятни назорат қилишимиз керак эди, кейин олдинга ўтиб, ҳисобни 3:1 кўринишига келтириш учун бир қанча имкониятларимиз бўлди.
Афсуски, кейин ўтказиб юбордик ва мағлуб бўлдик. Бу аламли мағлубият, лекин йиллар давомида аламли мағлубиятлар бўлди ва жамоа доим юксалди. Биз уйдан катта умидсизлик билан кетяпмиз, қўлимиздан келганини қилдик, аммо 2:0 ҳисоби билан вазиятни яхшироқ назорат қилишимиз керак эди", деди Индзаги.
