"Барселона" ярим ҳимоячи Дани Ольмони мавсумнинг иккинчи қисмида рўйхатдан ўтказа олмаяпти. Каталонияликлар ҳали таслим бўлишмаяпти - Олий спорт кенгашига апелляция аризаси берилган. Аммо вақт ўтиб бормоқда - қишки трансфер ойнаси бир неча ҳафта ичида ёпилади.
«Transfer News Live» нашрининг «El Nacional» нашрига таяниб хабар беришича, Ольмо "Бавария"га ўтиш борасида принципиал келишувга эга. Агар "Барселона" яқин орада футболчини рўйхатдан ўтказа олмаса, у фаолиятини Мюнхенда давом эттиради.
Олдинроқ матбуот 26 ёшли Дани Ольмонинг шартномасида рўйхатдан ўтмаган тақдирда эркин агент сифатида кетиш варианти борлиги ҳақида ёзган эди.
